КАНОН СЬВЯЦІЦЕЛЮ МІКАЛАЮ ХІІ – ХІІІ ст.ст.

Тон 2

Песьня 1.

Ірмас: У бяздоньні патапіў у старажытнасьці усё усяўзброенае войска фараона, увасобіўшыся Слова хутка грахі прабачае. Усяслаўны Госпад, які праславіўся.

Прысьпеў: Сьвяціцель Мікалай, малі Бога аб нас. (Паклон)

Венцаносец Пасаду Хрыста, прамудры Мікола, стоячы з анёльскімі чынамі, падай нам асьвету, асьвятляючы душаў нашых цемру, бо усяслаўлю ў радасьці тваю усядабрадзейную памяць.

Прысьпеў: Сьвяціцель Хрыстовы Мікалай, малі Бога аб нас.

Венцаносец Пасаду Хрыста, прамудры Мікола, стоячы з анёльскімі чынамі, падай нам асьвету, асьвятляючы душаў нашых цемру, бо ўсяслаўлю ў радасьці тваю ўсядабрадзейную памяць.

Слава Айцу, і Сыну, і Сьвятому Духу.

Усяславім усе Госпада, бо Таго праславім, хто цябе прыстанкам верным зрабіў, нападаў і бед пазбаўляючы, прыходзячых пад тваю абарону, Мікалай, і заклікаючых цябе з вераю і любоўю, прыслаўны.

Цяпер і заўсёды, і на вякі вякоў. Амін.

Багародзічны: Граху жаданьня ў мяне уклаў зьмей злы, Стваральнік, паланёным мяне зрабіў, Табой жа, Усячыстая, пакліканы быў абагаўленьне прыняць праўдзіва. Бо Ты, Боская Маці, праўдзіва мяне абагаўлёнага нарадзіла.

Катавасія: Пазбаў ад бед слуг тваіх, сьвяціцель Хрыстовы Мікола, якія усе ў Богу да цябе молім, да хуткага дапаможніка і праўдзівага абаронцы, і малітоўнік да Збаўцы аб душах нашых. (паклон)

СЛОВА Ў ДЗЕНЬ ПАМЯЦІ СЬВЯЦІЦЕЛЯ МІКАЛАЯ МІРЛІКІЙСКАГА

архіяпіскап Лука (Война-Ясянецкі)

Пачуйце словы, якімі пачынаецца сьвятая Біблія: “На пачатку стварыў Бог неба і зямлю. А зямля была нябачная і пустая і цемра над безданьню, і Дух Божы лунаў над вадою. І сказаў Бог: хай будзе сьвятло. І сталася сьвятло.  І ўбачыў Бог сьвятло, што яно добра, і аддзяліў Бог сьвятло ад цемры. І назваў Бог сьвятло днём, а цемру ноччу.”

Людзі, якія уяўляюць сябе адукаванымі, зьдзекуюцца над біблейскай гісторыяй тварэньня сьвету і асабліва зьдзекуюцца над тым, што сьвятло было створаны ў першы дзень, а сонца, месяц і зоркі толькі ў пяты дзень. Яны зьдзекуюцца над верай нашай у тое, што сьвятло магло існаваць тады, калі не было сьвяцілаў нябесных.

Ну што ж, такім зьдзекаваньнем яны выяўляюць толькі сваё навуковае невуцтва: яны не ведаюць таго, што сусьвет поўны матэрыі, якая сьвеціцца. Драбнюткія часьціцы матэрыі валодаюць здольнасьцю сьвяціцца, ім уласьцівае сьвятло.

АКАФІСТ СЬВЯЦІЦЕЛЮ І ЦУДАТВОРЦУ МІКАЛАЮ, АРХІЯПІСКАПУ МІР ЛІКІЙСКІХ

Кандак 1

Вялікі Цудатворца і добры слуга Хрыстовы, усяму сьвету падаўшы каштоўнае міро і невычэрпнае мора цудаў, праслаўляю цябе любоўна, Сьвяціцель Мікалай; ты ж, як меючы адвагу да Госпада, ад усялякіх бед мяне вызвалі, ды засьпяваю табе: Радуйся, Мікалай, вялікі Цудатворца.

Ікас 1

Анёла вобразам, на зямлі жывучым паказаў цябе ўсяму стварэньню Стваральнік. Бо добраплодную дабрыню душы тваёй бачыўшы, усядабрашчасны Мікалай, навучыў усіх сьпяваць табе так:

Радуйся, ад улоньня маці ачышчаны; радуйся, нават да канца асьвячоны.

Радуйся, нараджэньнем сваім бацькоў зьдзівіўшы; радуйся, сілу душэўную адразу па нараджэньні выявіўшы.

Радуйся, сад зямлі абетаванай; радуйся кветка Богам пасаджаная.

Радуйся, лаза добрая вінаградніку Хрыстовага; радуйся, дрэва плод цудаў нараджаючае ў раю Ісуса.

Радуйся, корань райскай расьліны: радуйся, міро водару Хрыстовага.

Радуйся, бо табой суцяшаецца рыданьне; Радуйся, бо табой радасьць прыносіцца.

Радуйся, Мікалай, вялікі Цудатворца.

Кандак 2

Бачачы твайго міра крыніцу, богамудры, адукоўваемся душмі і целамі, дзіўнага цябе міропадаўца жыватворчага, Мікалай, разумеючы: бо цуды як ваду, мілатой Боскай праліваеш, поіш верна сьпяваючых Богу: Алілуя.

СЛОВА НА ЎСЯНОЧНЫМ ДБАНЬНІ Ў ДЗЕНЬ ПАМЯЦІ СЬВЯЦІЦЕЛЯ МІКАЛАЯ ЦУДАТВОРЦА

мітрапаліт Антоні (Суражскі)

У імя Айца, і Сына, і Сьвятога Духа.

Мы сьвяткуем сёньня дзень сьмерці сьвяціцеля Мікалая Цудатворца. Якое гэта дзіўнае сумяшчэньне слоў: сьвята пра сьмерць... Звычайна, калі каго-небудзь засьпее сьмерць, мы тужым і плачам пра гэта; а калі памрэ сьвяты — мы пра гэта радуемся. Як жа гэта магчыма?

Магчыма гэта толькі таму, што калі памірае грэшнік, у застаўшыхся цяжка ляжыць на сэрца пачуцьцё, што надышоў час расстаньня, хоць бы часавы. Як бы ні была моцная наша вера, як бы надзея нас ні акрыляла, як бы мы ні былі упэўнены ў тым, што Бог любові ніколі канчаткова не адлучыць адзін ад аднаго тых, якія любяць адзін аднаго хоць недасканалай, зямной любоўю — усё ж застаецца сум і нуда пра тое, што мы не убачым на працягу доўгіх гадоў твару, выразу вачэй, якія сьвецяцца на нас ласкай, не дакранёмся да дарагога чалавека поўнай глыбокай пашаны рукой, не пачуем яго голасу, што даводзіць да нашага сэрца ягоную пяшчоту і любоў...

ВЫБАРЫ, МАЛІТВА І… БОСКІ ЗАДУМ

(слова на малебне за Беларусь)

прат. Сяргей Горбік

У імя Айца, і Сына, і Сьвятога Духа.

Чым бліжэй дата выбараў – тым больш прыходзіць на пошту “Беларускай Аўтакефаліі” лістоў з просьбай памаліцца… Просьбы аб малітве самыя розныя: ад агульнай малітвы “За добры выбар” (але ж, пагадзіцеся, вельмі агульна і незразумела) – да просьбаў аб малітоўнае падтрымцы канкрэтных кандыдатаў… За звычай, пасьля просьбаў аб малітве зьмешчаны розныя бачаньні пасьля выбараў. Чытаючы гэтыя “прароцтвы”, бачым мора чорнай фарбы, якой “малююць” будучыню Беларусі і беларусаў у выпадку калі… і тут падстаўляе кожны свае “прароцкае бачаньне”.

Але яшчэ горш, калі людзі губляюць надзею на Бога… Калі ў сярод радкоў лістоў, слоў і просьбаў чуецца нямое пытаньне “Як Гасподзь дапускае няпраўду?”; “Як можам мы ўвесь час цярпець паражэньне, калі сапраўды адстойваем праўду?”

Ва ўсім гэтым бачны некалькі вельмі істотных пытаньняў, на аб якіх мне жадаецца паразмаўляць зь вамі сёньня.

МАЛЕБЕН ЗА БЕЛАРУСЬ ДА ЎСIХ БЕЛАРУСКIХ СЬВЯТЫХ

Сьвятар: Дабраслаўлёны Бог наш спрадвеку, цяпер і заўсёды, і на вякі вякоў.

Чытальнік: Амін.

Уладару нябесны, Суцяшальнік, Духу ісьціны, што ўсюды прысутны і ўсё напаўняеш, Скарбніца дабра і Жыцьцядаўца, прыйдзі і ўсяліся ў нас і ачысьці нас ад ўсяго благога і збаў, Добры, душы нашы.

Сьвяты Божа, Сьвяты Моцны, Сьвяты Несьмяротны, памілуй нас. (тройчы)

Найсьвяцейшая Тройца, зьлітуйся над намі. Госпадзе, ачысьці правіны нашы. Уладару, выбач бяспраўе наша. Сьвяты, наведай нас і аздараві немачы нашы дзеля імя Твайго.

Госпадзі памілуй. (тройчы)

Слава Айцу, і Сыну, і Сьвятому Духу, цяпер і заўсёды, і на вякі вякоў. Амін.

Ойча наш , каторы ёсьць у небе, сьвяціся імя Тваё, прыйдзі валадарства Тваё, будзь воля Твая як на небе, так і на зямлі. Хлеба нашага штодзённага дай нам сёньня, і адпусьці нам грахі нашы, як і мы адпускаем вінаватым нашым; і ня ўводзь нас у спакусу, але збаў нас ад злога.

Сьвятар: Бо Тваё валадарства, і сіла, і слава, Айца, і Сына, і Сьвятога Духа, цяпер і заўсёды, і на вякі вякоў.

Чытальнік: Амін.

Чытальнік: Госпадзі, памілуй. (12 разоў)

АБ ПЯЧАТКАХ, СЛОВАХ І БРАХНІ НЕКАТОРЫХ “ГРЭКА-ПРАВАСЛАЎНЫХ” ЯПІСКАПАЎ

Апошнім часам, пасьля доўгай “сьпячкі”, прачнуўся вядомы правакатар япіскап “Грэка – праваслаўнага руху” Васіль (Віктар) Касьцюк. Крыху зьмяніўшы форму сайту і сваіх ранейшых словаў, ён зноў выліў у інтэрнэт порцыю чарговай брахні.

Ягоныя маніякальныя нападкі на а. Сяргея Горбіка робяцца ўжо яўнай адзнакай псыхічнае хваробы і мусяць выклікаць толькі сьмех… Бо а.Сяргею прыпісваюцца ўсе праўдзівыя матэрыялы аб Касьцюке за апошнія гады, нават тыя, якія ніколі ім не пісаліся. Але ж, шануючы сваіх чытачоў і дасьледчыкаў беларускага праваслаўя, мусім абвяргаць гэтую брахню.

Вядома, магчыма зьмяніць пячаткі і блянкі, прыбраць ранейшыя матэрыялы зь сайту (але яны засталіся ў інтэрнэце). магчыма нават запярэчыць ўласную подпіс на дакумэнтах… Але фота, асабліва на стужцы, аніяк не падробіш: Вы, праз брахню пазбавіўшы сябе права называцца хрысьціянінам, ул. Касьцюк самі рукапакладалі а. Сяргея ў сьвятары, некалькі разоў саслужылі зь ім і прапагандавалі ягоныя пераклады!
Вось тут, на "сьцёртых" старонках сайту "Беларускага Грэка-праваслаўнага руху" (узят і стары сайт, зьнішчаны Касьцюком у канцы 2008 г.), які рэдагуе сам ул. Касьцюк, а. Сяргей называецца менавіта святаром:
http://belpat.narod.ru/index.files/Page704.htm
http://belcon.boom.ru/index.files/Page804.htm
http://belcon.boom.ru/index.files/Page692.htm
http://belpat.narod.ru/index.files/Page268.htm
http://belpat.narod.ru/index.files/Page657.htm
http://www.belpat.narod.ru/index.files/Page804.htm
http://www.belpat.narod.ru/index.files/Page268.htm

Рэдакцыя “Беларускай Аўтакефаліі”

ПАХВАЛЬНАЕ СЛОВА СЬВЯТОМУ АПОСТАЛУ АНДРЭЮ ПЕРШАПАКЛІКАНАМУ СЬВЯЦІЦЕЛЯ ЯНА ЗАЛАТАВУСНАГА

Моцная сетка Апостальскай лоўлі дзіўная памяць Андрэя і дзіўнае ўспамінаньне сеткі, якую ён ўжыў дзеля лоўлі і дзеля пакліканьня народаў да Хрыстовай веры. Бо невад, якім карысталіся гэтыя несьмяротныя памёршыя, ніколі не можа быць парваны забыцьцём. Не прыйдуць з часам у тленьне тыя прылады лоўлі, якія зроблены не чалавечым уменьнем, але Боскай мілатой. Хоць самі рыбакі і сышлі ад нас, аднак прылады, якімі яны карысталіся, ці невад, якім ахапілі самы сьвет, ніколі не прыходзілі ў тленьне. Калі яны закідваюць і выцягваюць сетку, то бываюць нябачнымі, аднак сеткі іх апынаюцца поўныя. Не кій яны узялі, які спарахнее ад часу, не льняныя ніткі, якія згніваюць ад старасьці, пагрузілі яны ў ваду. Не кручок зрабілі яны, які зьядае ржа, не ежу яны паклалі на кручок, якою маглі б улоўліваць рыб. Не на камяні яны сядзелі, да якога датыкаюцца воды, не ў лодцы, якую разьбівае хваляваньне, яны плылі. Не рыб, існасьць неразумную, яны улавілі; але як дзівосна тое мастацтва, якое яны выкарысталі, так і прылады іх былі новыя і незвычайныя. Бо замест кія яны ужываюся пропаведзь, замест лёскі ‑ памяць, замест кручка ‑ сілу, замест прынады ‑ цуды, замест камэня ‑ нябёсы, зь якіх яны робяць такую лоўлю; замест лодкі ў іх ‑ алтар, замест рыб яны улоўліваюць і саміх цароў, замест невада распаўсюджваюць Эвангельле; замест мастацтва яны прыкладаюць Боскую мілату; замест мора яны кіруюць чалавечым жыцьцём, замест сеткі яны звыклі карыстацца крыжам, як нейкім невадам.

СЬВЯТЫ ЎСЯХВАЛЬНЫ АПОСТАЛ АНДРЭЙ ПЕРШАПАКЛІКАНЫ

Памяць 30 лістапада

Андрэй з роду жыдоўскага, зь Віфсады Галілейскай, рыбак і брат Апостала Пятра. Спачатку ён быў вучням Яна Хрысьціцеля. Як толькі Папярэднік, паглядзеўшы на Ісуса, які прыйшоў, сказаў: “Вось Агнец Боскі!”, Андрэй пайшоў за Ісусам і зрабіўся Яго першым вучням. Ён названы Першапакліканым. Калі Ісус праходзіў каля мора Галілейскага, то Пятро і Андрэй лавілі рыбу. Госпад іх паклікаў за Сабой, прамовіўшы: “І кажа ім: ідзеце за Мною, і Я зраблю вас лаўцамі людзей.” (Мц. 4:18–19)

Ён займае другое месца сярод Апосталаў. Хрыстос даў Апосталам уладу над нячыстымі духамі, каб Апосталы іх выганялі, каб вылечвалі ўсялякую хваробу і нямогласьць (Мц. 10:1). У ліку чатырох вучняў Госпада Андрэй ўдастоены Яго даверу слухаць Ягонае прароцтва аб будучай доле Царквы і сьвету (Мк. 13:3–5).

СЬВЯТАРСТВА І НАРОД

архіяпіскап Апанас (Мартас)

Усякі народ, які вызнае тую ці іншую рэлігію, мае сваё вызначанае стаўленьне да сьвятарства сваёй рэлігіі. Гэта стаўленьне выпрацоўвалася стагодзьдзямі і знаходзілася ў вялікай залежнасьці ад ступені рэлігійнага настрою дадзенага народа, а таксама ад ягонага культурнага стану. Народы рэлігій каталіцкай і пратэстанцкай заўсёды ставіліся і ставяцца да свайго сьвятарства добразычліва і з павагай. Гэта мог бачыць кожны, хто жыў у краінах Заходняй Эўропы. Такое стаўленьне склалася не таму, што там сьвятарства ідэальна і беззаганна, а таму што народ выгадаваны ў павазе да духоўнага сану. Калі ж сярод гэтых народаў маецца нейкі адсотак людзей, варожа наладжаных да духавенства, тое гэта камуністы і злосныя бязбожнікі, якія складаюць малую колькасьць і ніякага уплыву на народныя масы вернікаў не маюць.