Tuesday, October 6, 2009

ЦІМАШЭНКА ПАДТРЫМАЛА КАНСТАНТЫНОПАЛЬ


Прэм’ер міністар Украіны Юлія Цімашэнка заявіла, што падтрымлівае ідэю заснаваньня ў Кіеве сталага прадстаўніцтва Канстантынопальскага Патрыярхату. На сустрэчы з канстантынопальскай дэлегацыяй пад старшынствам мітрапаліта Гальскага Эмануіла яна выславіла перакананасьць ў тым, што гэта “шляхетная справа атрымае ва Ўкраіне падтрымку ўсіх царкоўных канфэсій, усіх галін улады і прадстаўнікоў усіх палітычных сіл”, паведамляе прэс-служба Ўкраінскага ўраду. Прэм’ер таксама выступіла за аб’яднаньне праваслаўных краіны ў “адзіную памесную царкву”. На яе думку, працэс стварэньня такой царквы павінен адбывацца эвалюцыйна, без ціску, з боку ўлады.

Ідэю адкрыцьця ва Ўкраіне прадстаўніцтва Канстантынопальскага Патрыярхату вясной гэтага году агучыў прэзыдэнт краіны Віктар Юшчанка на сустрэчы з Патрыярхам Канстантынопальскім Варфаламеям у Стамбуле.

У адказ на гэта ў МЗС Турцыі падкрэсьлівалі, што Канстантынопальскі патрыярх не надзелены паўнамоцтвамі адчыняць свае прадстаўніцтва за межамі краіны, у тым ліку і ва Ўкраіне. Як вядома, турэцкая ўлада не вызнае Варфаламея І “Сусьветным Патрыярхам” (гістарычны тытул, які ўспадкаваны зь візантыйскіх часоў). Не згаджаюцца ў Турцыі і называць Патрыярха “Канстантынопальскім”, заўважаючы, што горада з такой назвай больш не існуе.

Спробы адчыненьня прадстаўніцтва Канстантынопальскага Патрыярхату ва Ўкраіне былі і раней. Так, яшчэ ў верасьні 2005 г. у Расейскай Царкве выказвалі зьдзіўленьне і занепакоенасьць у зьвязку зь інфармацыяй аб намеры адчыніць такія прадстаўніцтвы ў Кіеве і Львове.

http://uaoc.net/?p=3042

ХТО ЗЬБІЎСЯ СА ШЛЯХУ ДА ЦАРКОЎНАЙ ЕДНАСЬЦІ?

У прэс-службе Патрыярхіі ЎАПЦ назвалі чарговай правакацыяй апублікаваньне на афіцыйным сайце “УПЦ Кіеўскага Патрыярхату” тэксту, аб паказным пераходзе некалькіх сьвятароў УАПЦ у іншую юрысдыкцыю. “Паколькі ўсе магчымыя рэсурсы павялічэньня колькасьці КП даўно вычарпаны, то ў іх няма іншых спосабаў папаўненьня сваёй статыстыкі, апрача пэўных статыстычных маніпуляцый, ці маніпуляцый у сярэдзіне ўкраінскіх грамад іншых цэркваў. Для гэтага пойдуць найбольш агідныя, і няхрысьціянскія спробы”, – лічаць у прэс-службе ЎАПЦ.

Такія ўчынкі ёсьць досыць адметнымі менавіта ў час калі не дыялёгу, то хоць бы спробаў дыялёгу праваслаўных цэркваў Украіны. І калі яны спадзяваліся такімі “гарачымі” публікацыямі прынізіць УАПЦ – то, хочацца ўпэўніць усіх жаданых да падобнага роду навінак, што гэта дарэмна. Напраўду такія ўчынкі і публікацыі яскрава характарызуюць толькі ўнутраны стан і №міралюбныя” настроі саміх кіраўнікоў КП.

Мы не баімся згубіць асобныя парафіі альбо сьвятароў, як у свой час не пабаяліся і брутальнага і дзёрзкага крадзяжу Кіеўскім Патрыярхатам усёй нашай гісторыі. Усё ў руках Божых. Прыгадайце, як калішні мітрапаліт Філярэт называў нашу мову “сабачай”, а Царкву – “пятлюраўскай”. Як ён зьдзекаваўся з патрыярха Мсьціслава, а потым завочна яго “рэабілітаваў” калі гэта зрабілася выгодна ў асабістых інтарэсах. Няўжо мы пасьля гэтага зьніклі? Не! За дваццаць гадоў, што мінулі з часу трэцяга адраджэньня ЎАПЦ, наша царква толькі ўзмацнілася, а ў апошнія гады і ўзрасла колькасна і якасна. Мы ж памятаем сваю гісторыю, і хто ёсьць хто. Да гэтага заклікаем і ўсіх нашых братоў зь УПЦ КП.

У той жа час, таталітарызм Кіеўскага Патрыярхату прывёў да таго, што з боку гэта аб’яднаньне ўжо даўно не выглядае праваслаўным. Маючы зьнешнія асобныя праваслаўныя адзнакі ЎПЦ Кіеўскага Патрыярхату напраўду ёсьць цалкам самадастатковым, і фактычна сэктанцкім фармаваньнем. Усё выглядае так, што для кіраўнікоў УПЦ КП ключавую ролю мае не хада за Праваслаўем, не пошукі саборнасьці Царквы, не хрысьціянская ахвярнасьць і любоў, а сьляпое шанаваньне кіраўніка, і сьцьверджаньне любымі мэтадамі Кіеўскага Патрыярхату, як аднаго зь інструмэнтаў ягонай улады. І вось яскравае пацьверджаньне гэтых тэзаў маем, зрэшты, і сёньня.

Ёсьць усе падставы лічыць, што ўзгаданая публікацыя была неабходна Кіеўскаму Патрыярхату для супакаеньня саміх сябе. Ужо зрабіўся выразна зразумелым той факт, што пры найменшай спробе атрыманьня кананічнае незалежнасьці нашай Украінскай Аўтакефальнай Праваслаўнай Царквой шансаў на сьветлыя пэрспэктывы будучага ў нашых братоў зь УПЦ КП няма. Відавочна, тамтэйшым найвышэйшым кіраўнікам зрабіліся вядомы факты аб жаданьні шматлікіх клірыкаў пакінуць менавіта Кіеўскі Патрыярхат. Але, паколькі палітыка і ўменьне маніпуляваць сьвядомасьцю гэта вельмі характэрны “канёк” асобных герархаў КП, яны вырашылі гуляць на “апераджэньне”. Вось і запусьцілі гэтую чарговую публікацыю.

Жадалася б зьвернуцца да ідэолягаў УПЦ КП зь заклікам калі ўжо не да хрысьціянскае любові, то хоць бы да элемэнтарнай разважлівасьці. Неўзабаве мы апублікуем на сайце “альтэрнатыўны” і ўжо цалкам аб’ектыўны погляд на становішча ва Львоўскі рэгіёне. Людзі павінны ведаць не толькі сэнсацыі, але і валодаць дакладнай інфармацыяй.

” Украінская Аўтакефалія”, Uaoc.Net

http://uaoc.net/?p=3040

УАПЦ ПРАПАНУЕ СТВАРЭНЬНЕ ВА ЎКРАІНЕ МІТРАПОЛІІ

Магчымасьць стварэньня аўтаномнай УАПЦ абгаворвалі гэтымі днямі ў Кіеве дэлегацыя Сусьветнага Патрыярхату. Пасланцы сыноду Канстантынопаля прыбылі ва ўкраінскую сталіцу ў адказ на ліст Украінскай Аўтакефальнай Праваслаўнай Царквы. Учора ўвечары яны сустрэліся з кіраўніком УАПЦ мітрапалітам Мяфодзіем, а сёньня ж – зь кіраўнікамі Праваслаўных цэркваў Кіеўскага і Маскоўскага патрыярхатаў. Папярэднія вынікі сустрэчы Радыё Свабода пракамэнтаваў прэс-сакратар Украінскай Аўтакефальнай Праваслаўнай Царквы, пратаярэй Яўген Заплятнюк.

– Ойча Яўген, наколькі рэальна зараз казаць аб прыяднаньні непрызнанай украінскай аўтакефаліі да Канстантынопальскага Патрыярхату?

– Тое, што нам не адмовілі і разглядзелі на сынодзе нашу просьбу, гэта ўжо абнадзейлівая рэч. Але пакуль што перадчасна рабіць нейкія вынікі, бо гэтая справа толькі пачалася. Калі гэтая справа вырашыцца пазытыўна, то візыт Сьвяцейшага Патрыярха Варфаламея ва Ўкраіну абавязкова будзе, гэта цалкам рэальна, бо ён мае права наведаць сваю паству, сваіх дачок і сыноў.

– Некаторыя праваслаўныя цэрквы, напрыклад Кіеўскі Патрыярхат, ужо засудзілі вашу просьбу да Канстантынопаля як такую, што расколвае праваслаўе, а не аб’ядноўвае. Ці запрашаеце вы да перамоў іншыя праваслаўныя цэрквы ва Ўкраіне?

– Мы не лічым сябе раскольніцкай групай. Проста ў нас працэс шуканьня кананічнага спосабу атрыманьня аўтакефаліі не вельмі просты. Бо няма працэдуры. Мы не прыхоўваем супрацу як зь Маскоўскім Патрыярхатам, так і з канстантынопальскім. Таму што мы разумеем, што без іх, без іх згоды, без іх спрыяньня мы не здолеем здабыць украінскую царкву.

– Якія канкрэтна прапазіцыі вы зрабілі Канстантынопалю? Ваша заданьня – максымум?

– Пакуль мы яшчэ нічога не маем. Чакаем, што нам запрапануюць. У ідэале мы жадалі б мець Патрыярхію, калі гэта магчыма. Маскоўскі ўжо мае, а Кіеўскі таксама практычна мае – да пары да часу. Мы жадаем сабе найлепшага. Нават не сабе найлепшага, а для нашага народу.

(Прага – Кіеў)

Падрыхтавала Ярына Матвейчук, radiosvoboda.org

http://uaoc.net/?p=3039