АКАФІСТ УВАСКРЭСЕНЬНЮ ХРЫСТОВАМУ

Кандак 1

Абраны ад дзён — гэты названы і сьвяты дзень, сьвятаў Сьвята і ўрачыстасьць Урачыстасьцяў, бо Хрыстос уваскрэс з памерлых на трэці дзень, ад зваяваўшы і людзей ўваскрэсіўшы, Яго ж славячы і засьпяваем усе: Хрыстос уваскрэс, сьмерцю сьмерць зваяваў, людзі радуюцца.

Ікас 1

Анёлы, Хрыстос Збаўца, сёньня апяваюць на нябёсах Твае з памёршых Уваскрашэньня, і нас на зямлі зрабі годнымі чыстым сэрцам Цябе з радасьцю славіць і сьпяваць:

Хрыстос уваскрэс, — Анёлы радуюцца на нябёсах.

Хрыстос уваскрэс, — сьпявае Госпаду уся зямля.

Хрыстос уваскрэс, — засьпяваеце Богу нашаму песьню новую.

Хрыстос уваскрэс, — праведныя сёньня ды ўзрадуюцца.

Хрыстос уваскрэс, — брама пекла адчыняецца.

Хрыстос уваскрэс — сьмерць зваяваў, людзі радуюцца.

Кандак 2

Бачыўшы ўваскрэсшага Сына Свайго і Бога, Дабрадатная Чыстая, Адзіная добрая сярод жанчын і сапраўды Дзева, радуецца пачуўшая ад Яго першая, усіх радасьць успрыняўшы, Багародзіца Ўсячыстая, і радуючыся, сэрцам сваім засьпявай: Алілуя

Ікас 2

Богамудра нябёсы вяселяцца, зямля ж радуецца, ды сьвяткуе ўвесь сусьвет, бачны і нябачны, уваскрашэньня Хрыста, сьпяваючы Яму:

Хрыстос уваскрэс, — вясельля вечнае

Хрыстос уваскрэс, — скарбут ўжо нікому ня будзе.

Хрыстос уваскрэс, — ды сьвяткуюць гэта ўсі тварэньня.

Хрыстос уваскрэс, — усё, што пад нябёсамі радуецца з намі.

Хрыстос уваскрэс, — сёньня выратаваньня сусьвету.

Хрыстос уваскрэс, — сёньня Сонца ўсяпрыгожае з магілы ўсім зазьзяла.

Хрыстос уваскрэс — сьмерць зваяваў, людзі радуюцца.

Кандак 3

Сілаю Боскаю Адама —прабацька выратаваўшы, сьмерці ўладарства Сваёй сьмерцю зьнішчыўшы, і ўсё Боскім зьзяньнем Уваскрашэньня асьвяціў, узьняў памёршых ад пачатку, Хрыстос Збаўца наш, напачатку памёршым будучы, ды чуе ад нас усіх Алілуя.

Ікас 3

Маючы бязьмерную любоў, сышоўшы з нябёсаў і ўвасобіўся вышэй за розум, Хрыстос Бог наш сышоў у бяздоньня пекла і ўзяў з Сабой Адама, і ўсіх зьвязаных ланцугамі пекла да сьвету вывеў, Хрысту, радасна засьпяваем, Вялікдзень вечную ўсяславячы:

Хрыстос уваскрэс, — дзе твая, ад, перамога?

Хрыстос уваскрэс, — дзе, сьмерць, твая моц?

Хрыстос уваскрэс, — памёршых больш няма ў магіле.

Хрыстос уваскрэс, — жыцьцё ўладарыць цяпер.

Хрыстос уваскрэс, — зваяваная сьмерць, узьняліся памерлыя.

Хрыстос уваскрэс, — магілы адчыніўшы, людзей узьняў з пекла.

Хрыстос уваскрэс — сьмерць зваяваў, людзі радуюцца.

Кандак 4

Бура скарботная цяпер суцішылася, жанчыны ж, прыйшоўшыя з водарам да сьвітанку да магілы Жыцьцядаўцц, шукаюць Таго, Хто раней за Сонца схаваўся калісьці ў магілу, усячыстага ж цела Твайго, Хрыстос, не пабачыўшы, казалі: хто ўзяў памёршага, голага і пахаванага? Сьветлазьзяючага Анёла на магіле пабачыўшы, з ўсёй пашанай засьпявалі Богу: Алілуя

Ікас 4

Чулі ад Анёла міроносіцы —дзевы: Чаго шукаеце Жывога сярод памёршых? Чаго рыдаеце аб Нятленным як аб тленным? Радуйцеся, пакланіўшыся Жывому Богу, Велікдзень таемную зразумеўшы, і адзін аднаму засьпяваеце радасна:

Хрыстос уваскрэс, — Пасха вялікая нам сёньня зазьзяла.

Хрыстос уваскрэс, — рыданьня час дзеля нас скончыўся

Хрыстос уваскрэс, — сёньня прысуд Евін адменены.

Хрыстос уваскрэс, — сёньня плач наш на радасьць пераўтварыўся

Хрыстос уваскрэс, — замест міро песьню прынясем Уладару.

Хрыстос уваскрэс, — замест сьлёз — ачысьцім душы і Яго пабачым.

Хрыстос уваскрэс — сьмерць зваяваў, людзі радуюцца.

Кандак 5

Богадатна ўваскрэсламу з памёршых Хрысту, Марыя Магдаліна прыйшла да магілы Жыцьцядаўца, бачыла, як камень адвалены быў ад магілы, з плачам мовіла сядзячаму Анёлу: Дзе схавалі Вечнае Жыцьцё? Альбо Госпада майго дайце, альбо з мною Яму ж усе з верай засьпявайце: Алілуя.

Ікас 5

Бачыўшая Хрыста Магдаліна каля магілы, як вінаградара, Таго пытала кажучы: Распавядзі мне, дзе паклалі Яго, дзе я пабачу Яго? Вызнаўшы Ўваскрашэньня Твае, Хрыстос, усяму сусьвету так дабравесьціла:

Хрыстос уваскрэс, — жанчын высахлі сьлёзы.

Хрыстос уваскрэс, — дзевы вызналі радасьць Госпада свайго

Хрыстос уваскрэс, — Апосталы радасьцю Боскай напоўніцеся

Хрыстос уваскрэс, — усе людзі асалоду атрымліваюць праз мілату сьвята гэтага.

Хрыстос уваскрэс, — першыя і апошнія дзень гэты ўшануйце.

Хрыстос уваскрэс, — багатыя і жабракі разам радуйцеся.

Хрыстос уваскрэс — сьмерць зваяваў, людзі радуюцца.

Кандак 6

Прапаведніцы дзевы дабравесьцілі цнатліваму, як Жыцьцядаўца Госпад сёньня з магілы зазьзяў. Той, хутка падняўшыся, прыйшоў да магілы хутчэй за Пятра і ўвайшоў у яе, бачыў толькі рызы ляжачыя. І увайшоўшы да магілы і вераваў. І яшчэ ня бачыўшы Хрыста вачамі цялеснымі, пабачыў Яго сэрца любоўю і з вераю засьпяваў Яму: Алілуя.

Ікас 6

Узьняўся Хрыстос з магілы, выявіўшыся раней за ўсё прад жанчынамі, якія праўдзівую любоў да Яго выявілі каля Крыжа. Бачыўшы Пятра, у скарбуце да магілы крочыўшага, выявіўся Яму, як літасьцівы, раней чым іншым вучням. Той жа радасьцю невымоўнай напоўніўся, усяму сусьвету так дабравесьціў:

Хрыстос уваскрэс, — сёньня ўпаўшым падаецца выратаваньня.

Хрыстос уваскрэс, — сёньня ўсяму сусьвету прыйшло выратаваньня

Хрыстос уваскрэс, — сёньня ягняты заблукаўшыя да Пастыра павярнуліся.

Хрыстос уваскрэс, — сёньня людзі Боскія ад скарбут вызваліліся.

Хрыстос уваскрэс, — радуйцеся ўсе радасьцю невымоўнай.

Хрыстос уваскрэс, — цалуйце адзін аднаго пацалункам сьвятым.

Хрыстос уваскрэс — сьмерць зваяваў, людзі радуюцца.

Кандак 7

Пажадаў Жыцьцядаўца Гасподзь напоўніць увесь сусьвет радасьцю Ўваскрашэньня свайго, паслаў жанчын дабравесьціць Апосталам, як узьняўся зваяваўшы сьмерць, тыя ж Анёла зьзяючага душамі пабачыўшы, радасна да Апосталаў прыйшоўшы, мовілі: Сапраўды Хрыстос уваскрэс і жывы на вякі вякоў, з радасьцю засьпявайце Яму: Алілуя.

Ікас 7

Дзівосную радасьць Уваскрашэньня Твайго, Хрыстос, Апосталы ад сьвятых жанчын радасна прынялі, Які добраахвотна за ўсіх на сьмерць пайшоў, жывую і ахвярную, як адзіны агнец, Пасха ачысьціўшая, і таму ўсяму сусьвету дабравесьціўшая:

Хрыстос уваскрэс, — Новая Пасха.

Хрыстос уваскрэс, — Ахвяра жывая.

Хрыстос уваскрэс, — Агнец Боскі прыняў грахі сусьвету.

Хрыстос уваскрэс, — сьмерцю Сваёй усіх выратаваўшы.

Хрыстос уваскрэс, — сёньня ўсе роды вяселяцца і радуюцца.

Хрыстос уваскрэс, — сёньня Царква Боская ўрачыстасьць сьвяткуе

 Хрыстос уваскрэс — сьмерць зваяваў, людзі радуюцца.

Кандак 8

Неспасьціжная і слаўна таямніца Ўваскрашэньня Твайго, Хрыстос, як узьняўся з памерлых, не разбурыўшы пячатак магілы, таксама як брама Дзевы не парушана засталася пры Нараджэньні тваім. Цяпер жа ў Ўваскрашэньні Сваім адчыніў нам браму раю, ды з разбойнікам увойдзем з Табой у Палац, сьпяваючы Табе, як Богу: Алілуя.

Ікас 8

Усім верным, Хрыстос, Пасха Сьвятая нам сёньня зазьзяла, і ўсім адчыніла браму рая, ды пойдзем усе да сьвятла Ўваскрашэньня Твайго, як Богасьветлага Сьвяцільніка, з захаду, поўначы і поўдня, і з усходу дзеці Твае, Пасху вечную так дабраслаўляюць:

Хрыстос уваскрэс, — збаўленьня ад сьмерці нам усім зазьзяла.

Хрыстос уваскрэс, — вызваленьня ад скарбут да ўсіх верных прыйшло.

Хрыстос уваскрэс, — усе сьвяткуйце на гэтым вясельлі веры.

Хрыстос уваскрэс, — усе прымем багацьця мілаты.

Хрыстос уваскрэс, — ніхто не заплача ў граху.

Хрыстос уваскрэс, — ніхто не спужаецца сьмерці

Хрыстос уваскрэс — сьмерць зваяваў, людзі радуюцца.

Кандак 9

Усё цяпер напоўнілася сьвятлом, і нябёсы, і зямля, і бездань пекла: нябёсы, бо ўзыходзіць да Айца Жыцьцядаўца Гасподзь; зямля ж, бо ўзьнялося з магілы Сонца больш чым прыгожае сёньня; бездань пекла, бо сышоў у яе непраглядную цьму Адзінародны Сын Боскі. Ды паклоніцца Яму ўся зямля, ды сьвяткуюць Ягонае ўваскрашэньня ўсе тварэньня, сьпяваючы Яму: Алілуя.

Ікас 9

Прадвесьнік Боскі Ісая ды ўстане з намі і пакажа, як прадбачыў сьветладатны дзень Уваскрашэньня Твайго, зразумела прамаўляючы аб Табе Хрыстос: Ахвяра зробіцца над сьмерцю перамогай і ўваскрэснуць памерлыя і ўздымуцца з магілаў. Мы ж, гэтую падзею бачыўшы, усярадуемся ў Богу, сьпяваючы Табе:

Хрыстос уваскрэс, — сёньня сьмерці сьвяткуем сьмерць.

Хрыстос уваскрэс, — сёньня вечнага жыцьця абвешчаны пачатак.

Хрыстос уваскрэс, — сёньня вясна водарная і новае тварэньня радуецца.

Хрыстос уваскрэс, — сёньня адагналася цёмная хмара граху і новыя людзі царкоўныя радуюцца.

Хрыстос уваскрэс, — старажытнасьць прайшла, і ўсё цяпер новае.

Хрыстос уваскрэс — сьмерць зваяваў, людзі радуюцца.

Кандак 10

Выратаваць жадаючы ўсіх, з намі праўдзіва абяцаў быць, Хрыстос, да сканчэньня вякоў. Гэтаму Боскаму Твайму голасу верачы, сьцьверджаньня надзеі маем, радуемся Ўваскрошаньню Твайму, сьпяваючы Табе як Богу: Алілуя.

Ікас 10

Уладара Хрыста пабачыўшы, як Жаніха з магілы паўстаўшага, жанчыны з міром богамудрыя за Табой пабеглі. Мы ж сьвечы носячы, пойдзем за Жаніхом і адсьвяткуем добрасьвятковым чынам Пасху Боскую выратавальную, з любоўю Яму сьпяваючы:

Хрыстос уваскрэс, — ідзіце, як дзевы, за Жаніхом.

Хрыстос уваскрэс, — крочце сьвечканосцы, з сьвяцільнікамі да Хрыста.

Хрыстос уваскрэс, — напоўняцца душы вашы Боскаю прыгажосьцю.

Хрыстос уваскрэс, — запаліце сьвечкі свае ад алея чысьціні.

Хрыстос уваскрэс, — узрадуемся Боска, бо з намі Жаніх.

Хрыстос уваскрэс, — узрадуемся ўсясьветла, бо прыгатаваны нявесьце Палац.

Хрыстос уваскрэс — сьмерць зваяваў, людзі радуюцца.

Кандак 11

Сьпеў урадасны замест міро сёньня прынясем і сьвяточную праўдзівую ўрачыстасьць зьдзейсьнім ў гэтую сьвятую і выратавальную, і сьвятла зьзяючую ноч, бо ў час гэты праўдзівы Сьвет з магілы ў плоці ўсім зазьзяў, яго ж, як прадвесьніка сьветланосьбітнага ды вечнага Ўладарства Твайго, Хрыстос, уславім і ўшануем, сьпяваючы Табе: Алілуя.

Ікас 11

Сьвятло невымернае ўсім нам, у цемры сядзячым, сёньня зазьзяла сьвятлейшы за сонца з магілы Тваёй, Хрыстос, сусьвет асьвяціў, таму радуецца ўвесь сусьвет, радасна сьпяваючы Хрыстова Царква, славячы Ўваскрашэньня Твае:

Хрыстос уваскрэс, — сапраўды сьвятая і сьветладатная гэтая выратавальная ноч!

Хрыстос уваскрэс, — сапраўды ўсім сьвятам сьвята гэты названы і сьвяты дзень!

Хрыстос уваскрэс, — радуйся цяпер і весяліся Сіён Сьвяты.

Хрыстос уваскрэс, — сьвяціся і ўпрыгожвайся цяпер Царква Боская.

Хрыстос уваскрэс, — бо слава Госпада на Табе зазьзяла.

Хрыстос уваскрэс, — радасьцю вечнаю напоўніліся ўсе дзеці Твае.

Хрыстос уваскрэс — сьмерць зваяваў, людзі радуюцца.

Кандак 12

Дабрадаць вясёлую Тваю, Хрыстос, усім верным сёньня падараваў праўдзіва ў усясьвятковы дзень Уваскрашэньня Твайго, яго ж усяслаўна стварыў Ты. Прыйдзіце, праваслаўныя, будзем усе радавацца і ўсявясяліцца, Боскага вясельля Ўладарства Хрыстовага зробімся супрычасьнікамі, сьпяваючы Яму, як Богу: Алілуя.

Ікас 12

Апяваючы ўсярадаснае Твае, Хрыстос, Уваскрашэньня, паклонімся Табе Ўваскросламу, і з вераю ды любоўю да Тваіх ног прыпадзем і адзінымі вуснамі Табе, як браты, засьпяваем:

Хрыстос уваскрэс, — радасна адзін аднаго абдымаем.

Хрыстос уваскрэс, — і ворагам нашым даруем.

Хрыстос уваскрэс, — усі пачуцьця свае ачысьцім.

Хрыстос уваскрэс, — пацалуем адзін аднаго пацалункам сьвятым.

Хрыстос уваскрэс, — у хорамы Твае з сьпевам увойдзем.

Хрыстос уваскрэс, — у доме Тваім усе сьветлыя дні перабываць будзем.

Хрыстос уваскрэс — сьмерць зваяваў, людзі радуюцца.

Кандак 13

О, Пасха Вялікая і ўсясьвятая, Хрыстос, о, Мудрасьць і Слова Боская і Моц! Замест міро гэтую песьню нашу прымі, як Бог Моцны суўздымі нас, ды будзем годнымі праўдзіва Табе прычашчацца ў вечныя дні Ўладарства Твайго на нябёсах і там, з усімі сьвятымі, апяваць Цябе будзем: Алілуя. (тры разы)

Потым сьпяваем ікас 1 і кандак 1

Сьвятар: Яшчэ і яшчэ да Уваскрэслага зь мёртвых Хрыста Бога нашага з пакораю сэрцаў нашых памолімся.

Людзі: Хрыстос уваскрэс зь мёртвых, сьмерцю сьмерць зваяваў і тым, што ў магілах жыцьцё падарыў (тры разы)

Сьвятар: І нам падарыў жыцьцё вечнае.

Людзі: Пакланяемся Ягонаму трохдзённаму ўваскрэсеньню.