ЗВАРОТ УСЯЛЕНСКАГА ПАТРЫЯРХА БАРТАЛАМЕЯ ДО УКРАІНЦАЎ У УГОДКІ ГОЛАДАМОРУ

Упадабаныя ў Хрысьці, мілата Госпада і мір зь усімі вамі!

З пачуцьцём вялікай павагі і адначасова з глыбокім болем у сэрцы, мы зьвяртаемся ад імя гістарычнай і мучаніцкае Маці-Царквы Канстантынопаля да усіх вас у гэты смутны дзень васьмідзесятай гадавіны Голадамору украінскага народа.

У той час, калі мы малітоўна успамінаем аб тых трагічных нечалавечых падзеях 1932-1933 гадоў, калі мноства чалавечых жыцьцяў было перапынена штучным і жорсткім голадам, мы таксама молімся аб супакоі душ памерлых ахвяраў Голадамору і гаеньня балючых душэўных ран вашага дабраслаўлёнага народа.

Цяжка, немагчыма уявіць сабе памеры і зацятасьць лютасьці, з якой чалавечыя істоты зьнішчалі сабе падобных, створаных па вобразу і падабенству Бога. Усё гэта нібыта дзеля палітычнае ідэалёгій, але на самой справе з-за няпраўды і бязбожнасьці.

І сёньня, мае ўпадабаныя, мы павінны памятаць урокі гісторыі і вучыцца на трагедыях мінулага, каб разумець, як нам рухацца ў будучыню, песьцячы пачуцьцё спагады і прабачэньня.

Мы павінны адрозьніваць і пазьбягаць праявы ідэалёгіі нянавісьці і перадузятасьці, накіраваных як супраць асобнай асобы, так і чалавечых супольнасьцяў, ці па этнічных, ці па рэлігійных і культурных прыкметах.

Як Праваслаўныя хрысьціяне, мы павінны заўсёды імкнуцца пераадолець рознагалосьсі і спрыяць брацкім адносінам зь усімі людзьмі і, разам з тым, заўсёды быць пакорліва адданымі нашаму уласнаму царкоўнаму вучэньню і традыцыям.

Гасподзь сказаў: «Я ёсьць дарога, праўда і жыцьцё» (Ян 14:6). У гэтым боскім запэўніваньні мы знаходзім велізарнае заспакаеньне і надзею, бо менавіта ў Царкве, Яго Сьвятому Целе, мы пазбаўленыя пакут і бед і адначасова знаходзім сілу дараваць і любіць усіх людзей.

Няхай Бог даруе вечны супакой усім ахвярам Голадамору.

Няхай Бог дабраславіць ўсіх вас.

Мілата Госпада нашага Ісуса Хрыста і любоў Бога Айца, і прычасьця Сьвятога Духа з усімі вамі. Амін.

Патрыярх Канстантынопальскі Барталамей,

Ваш гарачы малітоўнік перад Богам