КАНОН УСЯГОДНАМУ І ЖЫВАТВОРЧАМУ КРЫЖУ ГОСПАДА

Памяць узьняцьця Крыжа Госпада 14/27 верасьня

Песьня 1

Ірмас: Адчыняцца вусны мае і напоўняцца Духам, і слова вымаўлю Ўладарцы Маці, і зьяўлюся сьвяткуючы і радуючыся Тваім цудам.

Прысьпеў: Слава, Гасподзь, Крыжу Твайму Жыватворчаму.

Крыж усямагутны, апосталаў хвала, прападобных сьцьверджаньня і верных знак, герархаў і мучанікаў слава, перамога і сьцьверджаньня ўсіх славячых цябе.

Крыж Ўсягодны, чатырохканцавая  сіла, апосталаў добрае упрыгожаньня і мучанікаў цьвярдыня, хворых выздараўленьне паказаў ты, памерлых ўваскрашэньне, упаўшых уздыманьня.

Слава Айцу, і Сыну, і Сьвятому Духу.

Крыж, ты маю моц абудзі, цьвярдыня і дзяржава, збаўца і дапамога супраць ворагаў маіх, перамога і сьцьверджаньня мае, заўсёды абарона і пакрыў мой.

Цяпер і заўсёды, і на вякі вякоў. Амін.

Багародзічны: Калі на Крыжы, Прасьвятая Дзева, Твайго  Сына пабачыла, зброя скрухі Табе разьдзерла, і мовіла рыдаючы ад болю, але хай гэта праслаўляе Крыжа моц.

 

Песьня 3

Ірмас: Твая невымоўнасьць, Багародзіца, жывыя і незайздросная Крыніца, лік сябе супрычасных духоўна с, у боскай Тваёй славе вянкоў славы годнымі зрабі.

Прысьпеў: Слава, Гасподзь, Крыжу Твайму Жыватворчаму.

Крыж, падмурак набожнасьці, выявіў ты сябе як згуба нячысьцікаў, цэрквам упрыгожаньня, нягодным сьмерць, ворагам сорам ў дзень судны.

Слава Айцу, і Сыну, і Сьвятому Духу.

Крыж Жываносбітны, ты нам цьвярдыня і перамога, і шчыт і сьцяна неразбуральная, нячысьцікаў выгнаньня і злых думак зьнішчэньня, і розуму майго захаваньня. Цяпер і заўсёды, і на вякі вякоў. Амін.

Багародзічны: Укрыжаваньня ганебнае, Дзева Ўладарка, Твой Сын перацярпеў, сьмерць нягодную, але ўзьнёсься, зваяваўшы ворагаў сілы, як несьмяротны.

Сядальны, тон 8: Прадбачыў таямніцу ў старажытнасьці Ісус Навін Крыжа вобраз, калі крыжавобразна рукі склаў, Збаўца мой, і спынілася Сонца, калі ворагі раскрыжавалі Табе Бога, бо цяпер узыходзячым на Крыж Цябе бачым, і дзяржаву сьмерць зваяваўшым, увесь сусьвет вызваліўшым.

Песьня 4

Ірмас: Сядзячы ў славе на пасадзе Бога, на воблаку лёгкім, прыйдзе Ісус Бог наш, ва плоці і выратуе сьпяваючых: слава, Хрыстос, моцы Тваёй.

Прысьпеў: Слава, Гасподзь, Крыжу Твайму Жыватворчаму.

Чатырохканцавы сымбаль міру, але і траісты меч, пачатак цемры сячэш, намі праслаўлены, Крыж, вялікая зброя Хрыстова і ўсясільная непераможная перамога .

Твая вышыня, Жыватворчы Крыж, паветранага князя перамагае, і глыбіні бяздоньня паглынаюць зьмея, шырыню яшчэ выяўляючы, скідаючы ўладу князя сьвету гэтага сілаю сваёй.

Слава Айцу, і Сыну, і Сьвятому Духу.

Узьнёсься, разам зь сабою ўзжымаючы паўшых, падняў сутнасьць зямную, пасаду Боскаму суслаўны ёсьць: Крыж, вышыня вялікая, сусьветны мост, душу маю з глыбіні запалаў злых узьнясі хутчэй.

Цяпер і заўсёды, і на вякі вякоў. Амін.

Багародзічны: Крыжавобразна, Прачыстая Юначка Багародзіца, далоні Твае працягнула, да ўзьнятага на Крыж, і малітвы, Дзева, цяпер прынясі за ўсіх верна малітвы да Цябе ўзносячых.

Песьня 5

Ірмас: Невымоўна і неасяжная Боская слава Твая: Бо Ты, Прачыстая Дзева, мела ва ўлоньні сваім над усімі Бога і нарадзіла праўдзівага Сына, усім апяваючым Цябе мір падаючыя.

Прысьпеў: Слава, Гасподзь, Крыжу Твайму Жыватворчаму.

Крыж, нябесная лесьвіца сьвятая, прыступка настаўніка, Хрыстова вышыня і слава, Боскі вобраз  дадзены ўсяму сусьвету, нябачнаму і бачнаму.

Крыж, вобраз сапраўднае моцы, асьвячэньня водам, ачышчэньня паветра, асьвячэньня і асьвета ўсялякаму, мужнасьць і выява і Хрыстовы скіпэтар недасягальны, ворагаў перамагаючы.

Слава Айцу, і Сыну, і Сьвятому Духу.

Крыж усямагутны, злых ворагаў зваюй, што ненавідзяць і абгаворваюць цябе бяздумна, языкі ім папалі, і згасі запалы іх. О, Крыж Усясьвяты і Хрыстаносьбітны! Абарані нас сілаю тваёй.

Цяпер і заўсёды, і на вякі вякоў. Амін.

Багародзічны: Усіх Царыца Ўладарка, скіпэтрам нараджэньня Твайго перамажы, Дзева, паўстаньня ганьбу ўздымаючых Крыж Усясьвяты, падай моц і ачышчэньня, перамогу і дапамогу ўсім праваслаўным хрысьціянам.

Песьня 6

Ірмас: Боскае гэта і годнае сьвяткаваньня сьвята, багамудры, да Боскае Маці прыйдзіце, апладуйце, ад Яе народжанага Бога славячы.

Прысьпеў: Слава, Гасподзь, Крыжу Твайму Жыватворчаму.

Крыж ўваскрашэньня ўсіх, крыж грэшнікаў выпраўленьня, злых запалаў гібель і плоці прыцьвічаньня, Крыж душам слава і сьвет вечны.

Крыж ворагаў гібель, Крыж нягодных язва і паланеньня, і верных дзяржава, набожных абаронца, і нячысьцікаў пераможца.

Крыж запалаў злых зьнішчальнік, Крыж злых думак пазбаўленьня, Крыж пераможца паганскай спакусы і душаў чалавечых выратавальнік.

Слава Айцу, і Сыну, і Сьвятому Духу.

Крыж уздымаецца, і падаюць злых духаў паветраных чыны; Крыж зыходзіць, і нягодныя ўсі жахаюцца, як маланку бачыўшы моц ягоную.

Цяпер і заўсёды, і на вякі вякоў. Амін.

Кандак, тон 4: Хрыстос Бог, які добраахвотна быў узьняты на Крыж, даброты Твае падай новым людзям, якія носяць імя Твае; дай радасьць належным нашым уладам моцью Тваёю, настаўляючы іх на кожную добрую справу: хай дапамогаю ім будзе Твой Крыж - непераможная зброя сусьвету.

Ікас: Той, хто быў узьнесены да трэцяга неба і чуў Боскія словы, якія нельга вымавіць вуснам чалавечым, так піша да Галятаў - той, што навучае Пісаньню, хай чытаюць і разумеюць, - “Мне няма чым хваліцца, як толькі адным Крыжам Хрыстовым, на якім Ён сваёй Пакутаю забіў нашы злыя запалы.” Дык і мы таксама будзем трымацца моцна Крыжа Госпада і аддаём яму славу і пашану, бо ён дзеля нас - збаўленьня дрэва, непераможная зброя сусьвету.

Песьня 7

Ірмас: Не пажадалі служыць ідалу паганаму замест Творцы, але палымяны хрост мужна зваявалі, радасна сьпяваючы: усяпрыгожы бацькоў Гасподзь і Бог, дабраслаўлёны ёсьць.

Цяпер і заўсёды, і на вякі вякоў. Амін.

Непадзельную Тройцу і не зьлітную, сутнасьць адзінствам багасловім, Айца ненароджанага, і Сына народжанага, і Сьвяты Боскі Дух, песьню сьпяваючы: дабраслаўлёны Бог бацькоў нашых.

Бясконцым зьзяньнем Тваім, Тройца, нашы вочы розумам асьвяці, каб дабрыню Тваю, Трысьвяты, усясутную бачыць, якая чалавеку невядомая і недаступная анёлам.

Слава Айцу, і Сыну, і Сьвятому Духу.

Праменьнем сьвятла Твайго, грахоўную маю душу ўздымі з бяздоньня злога, добры Божа, бо Ты ўсямагутны, сьвятло Твае дабрадатнае да бяздоньня цемры дасягае.

Цяпер і заўсёды, і на вякі вякоў. Амін.

Багародзічны: Крыжавобразна складзеныя рукі працягнула, Прачыстая, да раскінуўшага свае рукі на дрэве крыжовым і ўзьняўшаму сутнасьць нашу, і зваяваўшаму варожае войска, маліцца не перапыняй.

Песьня 8

Ірмас: Юнакоў набожных у пячы нараджэньня Багародзіцы выратавала: тады розумам створанае, цяпер зьдзейсьненае, сусьвет увесь узьняло сьпяваць Цябе: Госпада апявайце, справы Ягоныя і ўсяслаўце Яго ва ўсе стагодзьдзі.

Прысьпеў: Слава, Гасподзь, Крыжу Твайму Жыватворчаму.

Вышыня Хрыстовых пакутаў, і лук, і зброя, і меч, зброя годная і моц непераможная, Хрыстова падножжа, і перамога над ворагамі, выява ўладарства, скіпэтар верных, так выявіў сябе Крыж пераможны.

Узьняў нашу паўшую сутнасьць Хрыстом укрыжаваным і адрадзіў, вышыня Боская, глыбіня невымоўная: Хрыстовым ёсьць ты знакам, Крыж усяслаўны, і шырыня бязьмежная і выява няасяжнае Тройцы, Крыж жыцяносьбітны.

Слава Айцу, і Сыну, і Сьвятому Духу.

Вуснамі, душой і сэрцам Крыж Госпада цалуючы, прыйдзем праваслаўныя ўзьнясём і усяславім, схіляючыся з сьпевам усячыстым: Радуйся, невымоўнае багацьця, Крыж, царквы ўпрыгожаньня.

Цяпер і заўсёды, і на вякі вякоў. Амін.

Дрэва жыцьця і выратаваньня, дрэва несьмяротнасьці, дрэва розуму, нятленнае і ня змарнелае: Крыж трохсладовы усягоднае дрэва, бо носіць Тройцы Траісты вобраз.

Песьня 9

Ірмас: Усякі на зямлі народжаны ды ўзрадуецца духам адукоўваючысь, ды усясьвяткуе бесьцялесны, шануючы сьвятую радасьць Боскай Маці і засьпяваем: Радуйся, Дабрадатная, Багародзіца Чыстая Дзева.

Прысьпеў: Слава, Гасподзь, Крыжу Твайму Жыватворчаму.

Хто адкрыта утворыць, як напісана, дзеі твае, Крыж усясьвяты, моц і цуды, і памёршых ўваскрашэньня; і ўвесь сусьвет узьняўшы, узьняў ты да Бога, усімі жаданы.

Сьцьверджаньня верным Крыж трыдобры, знак і слава: дрэва ўсямагутнае - Крыж Хрыстовы вялікі і дасканалы, апосталам слава, прападобным сьцьверджаньня і мучанікам твярдыня і дзяржава, уладарам перамога і слава.

Радуйся, Крыж, вобраз неапісальны і ганаровы, дрэва трыбагатае, жахлівае і добрае: Крыж Усясьвяты і ўсямагутны.

Слава Айцу, і Сыну, і Сьвятому Духу.

Радуйся, захавальнік жыцьця нашага, Госпада Крыж усяасьпяваны.

Цяпер і заўсёды, і на вякі вякоў. Амін.

Крыж Усягодны, захавальнікам душы і цела будзь мне, вобразам сваім нячысьцікаў перамагаючы, ворагаў адкідаючы, запалы злыя зьнішчаючы і дабраславеньня падаючы мне, і жыцьця, і моц, дапамогай Сьвятога Духа і сьвятымі малітвамі Прасьвятой Багародзіцы.

Малітва

О Усягодны і Жыватворчы Крыж Госпада, крывёю Хрыста Бога нашага асьвячоны, і сьмерцю Ягонай нас ад сьмерці вечнай вызваліўшы, на табе пажадаўшаму пацярпець, увесь народ жадае тыркнуцца, бо моц ад Яго зыходзіць, і вылечвае ўсіх. Ты ёсьць знакам сымбалям перамогі над ворагамі нашымі бачнымі і нябачнымі; ты мусіш зьявіцца ў гадзіну Жахлівага суду Хрыстовага; цябе з пакорай пакланяюся, годна дакрануцца і любоўна табе цалую. Сёньняшняе маленьня да Ўкрыжаванага на табе прыносіцца, ды вылечыць мяне сілаю Сваёй, што ў цябе перабывае, ад усіх хваробаў духоўных і цялесных, і захавай ад ворагаў бачных і нябачных, і на суду Сваім чыстым паставіць. Сапраўды, Жыватворчы Крыж Сьвяты, на табе Збаўца паміраў за памёршых праз грахі людзей, дух Уласны як чалавек аддаў, кроў і ваду праліў, і імі трама, адзіна, выратаваньня нам зьдзейсьніў. У славу Крыніцы водаў жывых Бога Айца, Сябе ж ад крыві Дзявочай увасабленьня Бога Сына, і Бога Духа Сьвятога, ажыўляючага дух чалавечы. Іх жа Трох у адзінай Боскасьці, дапамажы і мне славіць дабраўдзячна, ад вады хрышчэньнем успрынятай верай чыстай, у прычасьці ж Плоці і Крыві Госпада надзеяй без сумневаў, і ў каяньні ад ганьбы вызваленаму любоўю невымоўнай. Ня толькі ў гэтым жыцьці зямным, вайной і крывёй напоўненай, што як вада перацякае і як пара выходзіць з дыханьнем, але і ў будучай добрай, дапамогай моцы тваёй, Крыж трыдобры, зрабі годным бачыць Збаўцы Твар, атрыманьня жаданага і з асалодай любімага, адзінага ў Тройцы Бога, усяслаўнага на вякі вякоў. Амін.