Monday, March 14, 2011

АФОНСКІЯ МАНАСТЫРЫ: МАНАСТЫР ЗАГРАФ

Як абвяшчае паданьне, гэты манастыр быў заснаваны ў X ст. трыма братамі—манахамі родам зь Ахрыды: Майсеем, Аронам і Янам. Аднак паміж імі паўстала нязгода зь нагоды таго, якому сьвятому ці сьвяту прысьвяціць манастыр. Звг. Майсей прапанаваў пабудаваць яе ў імя Усясьвятой Багародзіцы, звг. Аарон — сьвяціцеля Мікалая, а звг. Ян — велікамучаніка Георгія. Пасьля доўгіх спрэчак яны замкнулі ў храме дошку для іконы, пакрытую ляўкасам, і усталі на малітву. Раніцай, адамкнуўшы храм, яны са зьдзіўленьнем убачылі, што на дошцы намаляваўся абраз велікамучаніка Георгія, у гонар якога і быў асьвячоны манастыр.
У X ст. ужо сустракаецца подпіс ігумена пад I Тыпконам Сьвятой Гары. Аднак гісторыя амаль нічога не кажа пра лёс манастыра аж да XIII ст. Падстава таму — пажары, якія зьнішчылі манастырскія архівы. Да гэтага часу манастыр ужо амаль цалкам населены баўгарскімі манахамі. 10 кастрычніка 1276 г. тут былі спалены лацінянамі 26 звышгодных мучанікаў, якія паўсталі супраць уніі з Рымам. У памяць гэтай падзеі ў 1873 г. у манастыры быў усталяваны кенатаф (сымбалічная магіла). Манастыр неаднаразова руйнавалася піратамі, але заўсёды хутка аднаўлялася, дзякуючы шчодрай дапамогі бізантыйскіх імпэратараў.
Да сярэдзіны XIX ст. нароўні з баўгарамі ў манастыры жылі сэрбы і шмат грэкаў. У гэту эпоху службы вяліся па—грэцку і па—славянску. Але паступова манастыр зрабіўся амаль выключна баўгарскім. Знамянальна, што ў гады парыву зносін Баўгарскай Царквы з Канстантынопальскай брація манастыра засталася пад амафорам Канстантынопальскага патрыярха.
Саборны храм манастыра пабудаваны ў 1801 г. і расьпісаны ў 1817 г. Акрамя таго, на тэрыторыі манастыра разьмешчаны яшчэ 8 храмаў і 8 — па—за сьценамі. У Карэі манастыру прыналежаць дзьве майстэрні і прадстаўніцтва пры Пратаце.
Галоўныя сьвятыні манастыра — нерукатворны абраз велікамучаніка Георгія, а таксама абраз Усясьвятой Багародзіцы, названы Акафістным.
Бібліятэка мае 126 грэцкіх і 388 славянскіх рукапісаў і прыблізна 10000 друкаваных кніг. Цяпер Заграфскі манастыр займае 9—е месца ў герархіі манастыроў Сьвятой гары. У ім жыве 10 манахаў—баўгараў.
Пасаднае сьвята манастыра – 26 красавіка, дзень памяці велікамучаніка Георгія.

 

No comments:

Post a Comment

Note: Only a member of this blog may post a comment.