Wednesday, December 22, 2010

ЯК ДАЛЕЙ ЖЫЦЬ?

Георгій Дзьмітрук
Сёньня гэта пытаньне задаюць сабе 50 000 герояў, якія не пабаяліся выйсьці на плошчу 19 сьнежня 2010. Гэта пытаньне задаюць сабе сотні тысяч тых, якія правялі гэту ноч у экранаў кампутараў і тэлевізараў, па макулінках вышукваючы праўду зь інфармацыйнай масы хлусьні і паклёпу. Гэта пытаньне задае сабе кожны беларус, якому не абыякавая лёс уласнай краіны.
Сёньня мы пайменна ведаем імёны нашых нацыянальных лідэраў. Гэта – Віталь Рымашэўскі, Уладзімір Някляеў, Мікалай Статкевіч і Андрэй Саньнікаў. Але разам з гэтым, нарэшце, зрабіліся відавочнымі імёны здраднікаў беларускага народа. Не жадаю зваць іх імёны. Вы іх ведаеце. Спарынг–партнэры рэжыму і іншыя палітычныя “швондзеры” былі усюды дзе заўгодна: на цёплых канапах, у крэслах–пампавалках, нават “забягалі на гадзінку” – толькі не побач зь нашымі Героямі.
Якія вынікі 19 га сьнежня 2010 году? Іх пяць.
1. Галоўны вынік: 50 000 мужных людзей, якія перамаглі страх. Вы скажаце, што гэта мала? Дарэчы, калі Ісус пакінуў гэту зямлю, у яго засталася усяго 11 вучняў і невялікая “жменька” пасьлядоўнікаў.
2. Рэжым паказаў усяму сьвету свой “зьвярыны ашчэр”. Такім чынам, рэжым, па праве, заняў сваё законнае месца “ізгоя” ў сям'і эўрапейскіх народаў. Надзеі улады на лёгкія інвэстыцыі і міжнародную фінансавую дапамогу правалілася. Гульня ў хованкі скончана. Маскі зьняты! “І зьбяруцца перад Ім усе народы; і аддзеліць адных ад другіх, як пастух аддзяляе авечак ад казлоў”– кажа Эвангельле (Мц.25:32).
3. У беларускага народа, нарэшце, зьявіліся нацыянальныя героі, нацыянальныя лідэры, гатовыя рызыкаваць жыцьцём і уласнай свабодай і пэрспэктыўная рухальная сіла – народная партыя БХД. Гэта вельмі важна. “Але калі і церпіце за праўду, дык вы дабрашчасныя; а страху іх ня бойцеся і не бянтэжцеся” – кажа сьвяты Апостал ( 1 Пят.3:14)
4. Сцэнар улады патрываў крах. Замак, пабудаваны на пяску, паваліўся! Спэцслужбы публічна зганьбіліся на пярэдадне чарговага юбілею ЧК. Гэта самае гучнае “фіяска” дыктатуры зь моманту яе стварэньня ў 1996 году.
5. Падзеі 19-га – гэта скрыжаваньне ў лёсе Беларусі. Краіна ніколі не будзе такой жа, як і да гэтых падзей. Улада прадэманстравала свой страх і няўменьне зладзіцца зь эмоцыямі. Уласны страх немагчыма утаймаваць пры дапамозе “урвіцеляў” зь дубцамі.
Падзеі 19-га, для нашай краіны – гэта наша беларуская Галгофа: сучасны “пілят”, пад узьдзеяньнем страху, даў каманду праліць кроў тых, хто быў гатовы заплаціць цану за нашу Свабоду. Пралітая нявінная кроў. Яна не марная. Гэта кроў - за мяне і за цябе. За кожнага беларуса. Нават за тых, хто сваёй абыякавасьцю і абыякавасьцю апраўдвае уласную баязьлівасьць. Нават за тых, хто ў парыве эгаізму і гонару, употай, прагнуў “хлебу і гледзішчаў”, чакаючы больш трагічнага сцэнару падзей. Нават за тых, хто, затуляючыся “духоўнасьцю” і “адкрыцьцём”, не разглядзеў праўдзівага значэньня падзеі.
2000 гадоў назад Ісус Хрыстос заплаціў кошт за усё Чалавецтва. Некалькі дзён назад, 19-га сьнежня 2010 гады, Віталь Рымашэўскі, Уладзімір Някляеў, Мікалай Статкевіч, Андрэй Саньнікаў і, разам зь імі пяцьдзесят тысяч беларускіх герояў, заплацілі цану за нашу і вашу свабоду!
Адначасова, гэтыя падзеі выявілі хто зь нас “хто”. Відавочныя сталі нашы беларускія “юды”, беларускія “ірады”, беларускія “піляты”, беларускія “сымоны кірыняне” і беларускія “марыі магдаліны”. Насупраць гэтых слоў вы самі мае права напісаць пэўныя прозьвішчы палітыкаў і кіраўнікоў некаторых краін.
І яшчэ. Лукашэнка і Вялікая Хлусьня – гэта сынонім. БТ, КДБ, МУС, ЦВК і іншыя “члены каманды прапаганды” яшчэ раз, вельмі пераканаўча, публічна паказалі сваю праўдзівую сутнасьць, якую можна выказаць толькі фразай: “хлусьня ў імя хлусьні”. І кожны, “… хто мае вочы – бачыць, а вушы чуць…” убачылі гэта.
Сёньня я зьвяртаюся да тых беларусаў, хто быў часткай Плошчы 2010: “ВЫ ГЕРОІ БЕЛАРУСКАГА НАРОДУ!” А героі годныя павагі! Асабліва тыя, якіх схапілі.
“Быў у вязьніцы, і вы наведалі мяне…” – кажа Эвангельле. Нашы браты і сёстры чакаюць вашых перадач! І яшчэ. Давайце будзем сустракаць нашых дарагіх братоў і сясьцёр, якія патрапілі ў засьценкі «гестапа» як сапраўдных ГЕРОЯЎ! Праз 7–10–15 сутак усыпім дарогу на свабоду нашым героям кветкамі і сьлязамі радасьці! Гэта будзе наш годны адказ тым, хто даўно марыць зламаць беларускі народ!
Віталь Рымашэўскі! Мікалай Статкевіч! Уладзімір Някляеў! Андрэй Саньнікаў! Мае сябры і калегі Павел Севярынец і Аляксей Шеін! Нашы браты і сёстры ў засьценках! Вы, кожную хвіліну ў нашых сэрцах і малітвах! Нашы думкі пра вас! Мы будзім стукацца ў Неба! Гасподзь ды будзіць зь вамі, нашы Героі!

Пераклад на беларускую мову – “Беларуская Аўтакефалія”.
Рускамоўны арыгінал артыкулу: http://bchd.info/index.php?newsid=4183

No comments:

Post a Comment

Note: Only a member of this blog may post a comment.