Памяць 26 сьнежня
Іосіф Абручнік, заручаны муж Усясьвятой Дзевы Марыі (Мц. 1:18). Ён па прамой галіне паходзіць з роду цара Давыда, але быў бедным і жыў у глухім Назарэце, займаўся цясьлярствам. Аб жыцьці ягоным, апрача абставінаў нараджэньня Хрыста, вядома мала, хоць апакрыфічная літаратура і намагалася дапоўніць гэты прабел. Верагодна, ён хутка памёр пасьля наведваньня Ерусаліму з 12-ці гадовым Ісусам Хрыстом, таму што аб ім пасьля таго больш не згадваецца. Пад ягоным імям вядома апакрыфічнае эвангельля “Гісторыя Іосіфа цясьляра”.
Трапар Іосіфу Абручніку.
Дабравесьці, Іосіф цуд Давыду Богаайцу: / Дзеву бачыў нараджаўшую, / якую з пастырамі славіў / і якой зь вешчунамі пакланяўся, / прыняўшы ад анёла вестку. / Цяпер малі Хрыста Бога, / каб выратаваў душы нашы.
No comments:
Post a Comment
Note: Only a member of this blog may post a comment.